Mujhey Khouf Aata Hai

Ye Kab Kaha Tha Nazaaron Se Khauf Aata Hai ?
Mujhe Tou Chaand Sitaaron Se Khauf Aata Hai,

Main Dushmanon K Kisi Waar Se Nahi Darta,
Mujhe To Apne Hi Yaaron Se Khauf Aata Hai,

Khiza Ka Jabar Tou Seene Pay Rok Lete Hain,
Hamein Udaas Bahaaron Se Khauf Aata Hai,

Mile Hain Dosto Besaakhiyon Se Gham Itne,
Mere Badan Ko Sahaaron Se Khauf Aata Hai….

Main Iltifaat Ki Khandaq Se Door Rehta Hun,
Ta’alluqaat K Gaaron Se Khauf Aata Hai..

sirf tum

Tum mere dard bhi, gham bhi, alaam bhi tum,
Tumn mera chain ho jana, mera araam bhi tum,

Kamyaabi ko nahin hum ne tumhe chahaa hai ,
Hum tumhare hain bhaley ho gaye nakaam bhi tum,

Main maseeha hoon agar, mera wazeefa tum ho,
Main hoon mujrim meri jaan mera ilzaam bhi tum,

Kya zaroorat hai mujhe dard ke me’khaanon ki,
Tumhi nasha, tumhi paimaana, mera jaam bhi tum,

Mukhtlif se bahaanon se mujhe sochtey ho,
Aik din khul ke pukaro ge mera naam bhi tum,

Yeh seyaasat bhi ajab khail hai bholey panchi,
Yahan seyaad bhi tum ho, to teh’daam bhi tum,

Jis se roshan mera aangan hai tumhi ho woh chiraag,
Sach to yeh hai ke tumhi ghar ho, dar-o-baam bhi tum,

Raat din tum ko faqat tum ko mujhe sochna hai,
Meri furssat bhi tumhi aur mera har kaam bhi tum..

Judai

Wo jo dawedar hai shehar main,
k main sab ka nabz shanas hon...

Kabhi mujh se to aa k pochta,
k main kis k gham me udas hon..
...
Ye meri kitab_e_hayat hai,
isay dil ki aankh se parh zara..

Main warq warq tere samne,
tere ru ba ru tere pas hon..

Ye teri umeed ko kya hua,
kabhi tu ne ghor nhi kiya..

Kisi sham tu ne kaha to tha,
teri saans hon teri aas hon..

Ye teri judai ka gham nhi
ye silsilay to hain roz k..

Teri zaat iska sabab nhi,
mai boht dino se udaas hon...!!!!

Afsanay

                                       Afsanay

Kitab-e-Dil pe Likhay Thay kitnay he Afsanay
Kuch Qissay naye Thay Aur kuch Berson Puranay

Kuch un ka zikar jo kabhi Rag-e-Jaan say they Qareeb
Kuch wo jo Aaj Bhi Lagtay Hain Begaanay
...
Kaash Aisi koi rut koi Moosam Aaye
Khushiyon Bharay Geet Hum lagein Gungunanay

Aaj Bhi Dil Mera is Aas Pe Zinda Hay
Aik Roz to Aayein Wo Hum ko Mananay

Safha-e-Dil ko koi Humaray Perh ker dekhay
Khoon-e-jiger say likhay Hain Sab Afsaanay

Guzra hua Zamana Bhula Do Zehen say Apnay
Aatay nahin Laut k Beetay Huay Zamanay...!!!

ISHAQ

                                 ISHAQ.....

Ishq Mein Jamhooriyat Nahin Hay Warna,
Dharna Day K Paa Letey Tujhey..!!

Mohabbat...

Haqeqat ashna mery
tujhy shayed khabr hogi

... Mujhe teri mohbat ne
boht buzdil bna dala,
Mai her us shaye se darti hon
Tujhe jo chean sakti hai,

Un lamho se derti hon
Judai jin mai rehti hai,

Un ashko se derti hon
Jo bun ker yaad bhety hain,

Mai un lafzo se derti hon
Jo khamsohi me rehty hen,

Bicharny ki mery humdum!!
Her sorat se derti hon...

Tujhy shayed khabr hogi

Mujhe teri mohbat ne
boht buzdil bna dala...!!!

Mehndi........

                                    Mehndi........

Woh Apne Mehandi Wale Haath Mujhe Dikha Kar Royi,
Ab Main Hoon Kisi Aur Ki Yeh Mujhe Bata Kar Royi.
Pehle Kehti Thi Ke Nahi Ji Sakhti Tere Bin,
...
Aaj Phir Se Woh Baat Dohra Kar Royi.
Kaise Kar Loon Uski Mohabbat Pe Shak Yaaro!
Woh Bhari Mehfil Mein Mujhe Gale Laga Kar Royi